Imami e Ksera “kandidatë” për në burg?

Duket se kohët e pagjumësisë për ish-ministrat e Qeverisë Berisha po nisin shumë shpejt.

Burime nga organi i akuzës për "A1Report" bëjnë me dije se hetimet janë ende të hapura, ku dhe vetë ministri Ksera mund të thirret për t'u marrë në pyetje nga grupi hetimor. 2 punonjësit e tij mbahen ende në burg pas shkeljeve në Ministrinë e Punës e të Çështjeve Sociale.

Nga ana tjetër, Shqiptarja.com i referohet një bisede të bërë dje mes Ramës dhe deputetëve të tij, ku Kryeministri citohet të ketë thënë se “Kemi evidenca që gjatë fushatës zgjedhore Arben Imami, ish-ministri i Mbrojtjes në qeverisjen e kaluar ka porositur 1 milionë litra naftë për automjetet ushtarake, por që realisht janë përdorur për makinat e PD”. Vetë Imami e ka hedhur poshtë këtë pretendim.

k.c.