E njoh Bitron, ka firmosur me urdhër. E ftoj të zbardhë hajdutërinë e sistemit Berisha, thotë Baze

Kleves Bitro, ish gazetar dhe ithtar i hapur i të djathtës, nuk duhet t’i fshihet drejtësisë, por të vijë e të flasë për aferat e familjes Berisha dhe klientëve mediatikë të tij. Këtë këshillë jep në editorialin e ri Mero Baze i Temës. “Kleves Bitro nuk është i vetmi. Në burg me të njëjtën logjikë do të shkojë dhe Drejtori i Kabinetit të Arben Imamit apo Sekretari i Përgjithshëm i tij, që nuk ka lënë repart ushtarak në këmbë pa i faturuar në emër të tij, Frangajt, mbi 200 mijë dollarë në çdo faturë. Në burg duhet të shkojë Ferdinand  Xhaferri, Aldo Bumçi dhe vetë kunata e Frangaj, që nga Ministria e Turizmit kanë faturuar miliona për Frangajn, për propagandë. Në burg duhet të shkojnë zyrtarët e Majlinda Bregut, që kanë firmosur për miliona euro për Elvisin dhe ushtarët e tjerë të Flamur Nokës gjoja për mitingje të PD-së, ku këndonte Çiljeta kundër opozitës dhe paguheshin një milion euro. E di që të gjithë ata që kanë firmosur, nuk kanë pasur shans të pinë as ndonjë kafe, por kjo nuk i bën ata të pafajshëm”, shkruan Baze në artikullin e titulluar “Të shkosh në burg për Sandrin”.

Shkrimi i plotë, në linkun: http://www.gazetatema.net/web/2013/10/07/te-futesh-ne-burg-per-sandrin/

a.k