B.Islami te Dita: Karriera e Bashës, produkt titisto-UDB

“Kush është Isa Mustafa? Pa droje mund të thoja se, po të kishte pasur në Kosovë një ligj lustracioni, ai nuk do të ishte në politikë. Për faktin e thjeshtë se, gjatë pushtimit të Kosovës nga regjimi i Millosheviçit, pikërisht kur shkelej me tanke gjithçka që ishte fituar me gjakun e 40 mijë të vrarë dhe burgosjen e 360 mijë të tjerëve, Isa Mustafa ishte, as më shumë e as më pak, por ministri i financave në qeverinë kukull, e cila, në zhargonin e politikës quhet qeveri kuislinge. Nuk them se Isa Mustafa është kuisling, por qeveria ku ai bënte pjesë, dhe që drejtohej nga “i famshmi” Rrahman Morina, ish shefi i UDB-së që u bë shefi i qeverisë së Kosovës, ishte e tillë”. Ky portretizim i shefit të opozitës kosovare dhe njëherësh homolog i Lulzim Bashës për Prishtinën, bëhet nga autori Bedri Islami në shkrimin hapës të soëm për gazetën Dita. Në fakt, shkrimi vetë është një profil i paautorizuar i vetë Bashës dhe trajton katapultimin e ij të mistershëm në politikën shqiptare, për çka ka kontribuar edhe Mustafa, ky anëtar i “elitës titiste” të Prishtinës, siç e cilëson Islami. Por vetë Isa Mustafa është veç njëra anë e medaljes Basha. Sepse lënda ngjitëse që i bën bashkë të gjitha pjesët e pazëllit që sollën promovimin e Bashës, pra UNMIK-u, faktori prishtinas, Argita Berisha dhe vetë babai i saj, e ka emrin Damir Fazlliç, nipi i shefit serb të shërbimeve sekrete, Stanishiç. “Nëse Sali Berisha do të jetë ati i Bashës në politikë, nëse Argita do të jetë krushka e tij në politikë, Fazlliçi do të jetë Kumbara i fuqishëm, i cili, herë pas here, do të jetë edhe mbi të parin, edhe mbi të dytën. Kosova do të ishte vendi ku fillesa e jetës politikës së Bashës do të takohej me ambiciet dhe synimet jo thjeshtë tregtare të Fazlliçit”, thotë Islami.

Shkrimin e plotë e gjeni në linkun:  http://gazetadita.al/askush-nuk-e-njihte-lulin/

a.k