BBC: 24 persona të arrestuar në Turqi për shpërthimin në minierë

Rrjeti “BBC” raporton se policia turke ka ndaluar 24 persona të dyshuar për lidhje me tragjedinë që ndodhi në një minierë të këtij vendi. Operacioni që është kryer në kuadër të hetimit për këtë ngjarje, përfshin edhe 9 drejtues të kompanisë që shfrytëzon minierën.

Ata akuzohen për neglizhencë, megjithatë e kanë mohuar këtë akuzë. Shpërthimi në minierën në Soma, cilësohet si një nga katastrofat industriale më të rënda në historinë e Turqisë. Numri i viktimave ka arritur në 301.

n.k