Vritet një 18 vjeçar maqedonas, Shkupi gdhihet me trazira. Shqiptarët në shënjestër

Shkupi është përfshirë nga trazirat, njoftojnë agjencitë e lajmeve. Një 18 vjeçar maqedonas ka mbetur i vdekur gjatë pasdites së djeshme pasi është qëlluar me thikë nga një shqiptar. Por vrasja menjëherë ka marrë ngjyrime nacionaliste duke shkaktuar një revoltë të madhe te banorët e lagjes “Gjorçe Petrov”, të cilët i kanë vënë zjarrin pronave të shqiptarëve, kryesisht dyqaneve. Kim Mehmeti, drejtues i zyrës së TCH në kryeqytetin maqedonas ka bërë të ditur se deri tani policia nuk ka mund të qetësojë situatën, madje kjo duket tejet e vështirë. Sipas tij kjo situatë e krijuar rrezikon seriozisht familjet shqiptare në këtë lagje, por situata mund të tensionohet edhe më tej. Pikërisht gjatë ditës së hënë Komiteti i Helskinkit ka publikuar raportin e tij të fundit, në të cilin thuhet se brenda një viti në Maqedoni janë regjistruar 116 incidente ndëretnike, prej të cilëve janë zbardhur vetëm dy.

a.k