Berisha: Jemi në emergjencë kombëtare, por nuk mund të hyhet në Lazarat me forcë

“Ne, vërtet nuk e kemi përdorur forcën për Lazaratin dhe nuk jam për përdorimin e forcës. Shteti duhet të përdorë forma të tjera dhe ne i përdorëm. Lazarati është vizituar periodikisht nga ekspertët, partnerët tanë. Ka ndodhur një politikë inkurajuese. Por ju garantoj se tani në Lazarat janë mbjellë varietete të ardhura nga Vietnami.”, në këtë mënyrë është shprehur ish-Kryeministri Sali Berisha në lidhje me luftën ndaj narkotrafikut në periudhën kur ai qeveriste në emisionin “Fakt” të gazetarit Çim Peka.

Përballë një paneli gazetarësh Berisha iu është përgjigjur disa pyetjeve. Ndër to ishte edhe pyetja se përse opozita nuk kërkon zgjedhje të parakohshme, por largimin e Ramës. Për këtë ish-kryeministri tha se – “Ne do të respektojmë 4 vjet qeverisje. Respektojmë Kushtetutën. Por kjo është emergjencë kombëtare dhe as nuk mund të nxirren nga agjenda mashtrimet e tij. Nëse ne nuk reagojmë, Shqipëria do të jetë gaztore në Evropë; ne do të qëndrojmë në kohën më të parë të përshtatshme dhe atë nuk e heqim nga agjenda.”. Ndërsa në lidhje me deklaratën e Ben Blushit për ministrin Tahiri, Berisha e ka komentuar: “Blushi është një shkrimtar i dëshpëruar. Nëse Blushi mendon kështu, them se duhet ndërhyrë me metoda të tjera. Nuk mund të hyhet me forcë në Lazarat.”.

Ditën e hënë është lajmëruar se do të nisë një aksion për monitorimin e parcelave të drogës me avionë në të gjithë vendin. Për këtë ish-Kryeministri ka thënë: “Kryeministri ka një fatkeqësi të madhe, që çdo gjë ta kalojë me trillime. Është një ekip që do vijë këto ditë që do të kontrollojë. Janë miq. Avionët kanë fluturuar dhe ka dhjetëra Lazaratë. Madje mund t'ju them se ka filluar mbjellja e opiumit.”.

http://www.balkanweb.com/kryesore/1/berisha-ne-lazarat-nuk-d...

S.S