KE rekomandon: Shqipërisë t’i jepet statusi kandidat
Progres-raporti i Komisionit Evropian i ka rekomanduar Këshillit Europian që Shqipërisë t’i jepet statusi i vendit kandidat. Raporti është bërë publik në të njëjtën kohë kur në Tiranë po mbahen bisedimet e nivelit të lartë BE-Shqipëri, ku i pranishëm është edhe komisioneri Sstefan Fyle. Sipas raportit, numri i rasteve të denoncuara për korrupsionin është rritur 16% krahasuar me një vit më parë. Gjithashtu, policia ka zhvilluar operacione të suksesshme në luftën ndaj drogës e pastrimit të parave. KE-ja vlerëson se Shqipëria po vazhdon t’i zbatojë masat e kërkuara nga BE-ja për marrjen e statusit, por duhet të përparojë në reformën e sistemit gjyqësor në bashkëpunim me Komisionin e Venecias. Përsa i takon statusit të nënpunësit civil, KE-ja thekson se ai u adoptua në kohë, por ristrukturimet në administratë krijuan tension politik. KE vlerëson se në parlament ka ende kundërshti për procedurat e zgjedhjeve në disa institucione. “Procedurat e zgjedhjeve në parlament me shumicë të thjeshtë, mbeten shqetësuese’-, thuhet në progres-raportin e BE-së.
s.z
Comments
Edhe keta te Komisionit
<p>Edhe keta te Komisionit luajne lojen: "ne ta japim, po s'ta jep i zoti i punes". ...Me nje fjale, "s'ta japim".</p>
Add new comment