INUK, aksion për heqjen e reklamave pa leje në rrugët kryesore

INUK ka ndërmarrë një aksion për heqjen e reklamave pa leje në disa prej akseve rrugore të vendit. Sipas një njoftimi të INUK  heqja e reklamave të vendosura pa leje nga subjekte të ndryshme private është e domosdoshme pasi, është bërë në shumë raste burim për aksidente automobilistike. Aktualisht inspektorët e INUK në bashkëpunim me policinë e rendit janë duke hequr reklamat e vendosura përgjatë rrgës Kashar-Rinas dhe në aksin Plepa-Rrogozhinë. Sipas INUK ky aksion do të vijojë më pas edhe në rrugë të tjera të vendit.