E drejta e autorit – Jorgo Papingji thotë se nuk ka marrë asnjë të ardhur për tekstet e këngëve të tij. Dhe janë 4 mijë

“KultPlus” shkruan sot për një çështje të rëndësishme, por të neglizhuar gjatë në Shqipëri. Bëhet fjalë për të drejtën e autorit dhe me këtë rast ka sjellë një reagim të Jorgo Papingjit, i cili është shumë i njohur si autor tekstesh të këngëve. Papingji ngre çështjen e të drejtës së tij si autor i teksti i 4 mijë këngëve. “Unë u bë disa vite që nuk shikoj asnjë të drejtë autori. Nuk e di se si e quajnë që funksionon. Nuk kam asnjë informacion as se çfarë bëhet me “Albautor”, as nuk e di se si funksion sot. Unë di që si autor i më shumë se 4 mijë teksteve të këngëve nuk kam marrë asnjë lek nga tekstet e mia. Askush nuk të thotë se çfarë do të bëhet”, ka thënë Papingji, që ka shtuar se edhe pse është pjesë e kryesisë së agjencisë “Albaautor”, nuk është thirrur në asnjë mbledhje. Këtu duhet kujtuar se në vitin 2010 “Albautor” kaloi disa probleme që lidheshin me drejtuesin e tij. (http://arkivamediatike.com/lajme/artikull/iden/416359/titulli/Artistet-ne-Gjykate-milionat-e-botes-se-artit-perfshijne-VIP-at-ne-gjyq)

Kjo e të drejtës së autorit ka dalë njëherë në skenë sidomos për filmin shqiptar, apo për arkivën e Televizionit Publik, që u morën nga ente private falas dhe tregtohen sot si shërbim mbështetës prej tyre.

http://kultplus.com/?id=6&l=3970

s.z