Dritëroi për ngjarjet në BSH: Kjo arrin kulmin e korrupsionit, vjedhjes dhe shkeljeve

Për çështjen e Bankës së Shqipërisë, GSh i ka kërkuar një mendim edhe shkrimtarit të njohur Dritero Agolli.

“Unë mendoj se kjo që ndodhi nuk ishte çudi. Nuk jemi aq të çuditur për këtë që ndodhi sepse në Shqipëri, si institucionet, edhe individët, pra të gjithë, vjedhin. Domethënë, deri tani ishin vjedhje disi më të lehta, jo se të rëndat kanë munguar”, tha Agolli. Sipas tij, megjithatë kjo ngjarje e arrin kulmin e korrupsionit, kulmin e vjedhjes dhe të shkeljeve. “Situata është shumë e rrezikshme, pasi krijon pasiguri në popull, e jo vetëm tek ata që kanë lekë në banka. Një njeri i thjeshtë, që nuk i ndërlikon shumë idetë, mund të mendojë që pas kësaj ngjarjeje, është më mirë të mos vërë para në banka, pasi nëse një vjedhje e tillë bëhet në Bankën e Shqipërisë, në një institucion aq të rëndësishëm, çfarë ndodh me të tjerat? Ju prisni të ketë ndikime? Situata ndikon, qoftë nga ana materiale, qoftë nga ana psikologjike. Ka trishtim të madh! Ka pasiguri”, pohoi shkrimtari.

a.k