Raporti: Parlamenti shqiptar me dy dhoma, të krijohet Senati

Diskutimet që kanë nisur për reformën kushtetuese risjellin sërish idenë e hershme të krijimit të Kuvendit me dy dhoma. Gazeta “Panorama” publikon sot një raport të “Soros” me 19 faqe të hartuar nga konstitucionalistët Kristaq Traja, Luan Omari, Sokol Sadushi, Gent Ibrahimi, Viktor Gumi dhe Arta Vorpsi ku ndër të tjera propozohet që për forcimin e rolit të Parlamentit, të krijohet edhe Senati si dhomë e dytë.

“Formula e Parlamentit dydhomësh në veçanti bën të mundur që Dhoma e Lartë e Parlamentit, si rezultat i zhvillimit të zgjedhjeve në kohë të ndryshme dhe ndryshimit të pjesshëm të përbërjes së saj, tipikisht të kontrollohet nga forca politike kundërshtare me qeverinë. Për pasojë, kontrolli mbi qeverinë bëhet më i natyrshëm” thuhet në raport. Ndër të tjera, propozohet që Senati të ketë kompetencën e emërimit të gjyqtarëve të lartë e kushtetues si një garanci për pavarësinë e sistemit gjyqësor. Nëse kjo do të realizohej, atëhere Shqipëria do t’i rikthehej një modeli parlamentarizmi të para Çlirimit.

Për më shumë: http://www.panorama.com.al/2014/08/31/zbulohet-raporti-per-reformen-kushtetuese-parlamenti-me-dy-dhoma-krijohet-senati/

n.k