Milo-Lubonjës për historinë: Nomenklaturë e regjimit ke qenë ti, jo unë. Tekstet nuk do glorifikojnë Hoxhën

“Babai im nuk ka qenë as anëtar i Komitetit Qëndror të Partisë së Punës dhe as anëtar i nomenklaturës së lartë komuniste. Jemi bashkëmoshatar, por ti ke pasur fatin e mirë që në fëmijërinë dhe rininë tënde je rritur me gjithë të mirat në mes të bollëkut, ndërsa mua dhe familjes sime na duhej të rropateshim të siguronim bukën e gojës si shumica dërrmuese e shqiptarëve”.

Kështu i përgjigjet historiani Paskal Milo deklarimit të Fatos Lubonjës se ai është nostalgjik i komunizmit. Me një shkrim sot në Panorama, Milo i është përgjigjur qëndrimit të Lubonjës, sipas të cilit, komisioni për rishkrimin e historisë që drejtohet nga Milo, kërkon të rehabilitojë figurën e enver Hoxhës.

Sipas Milos, Enver Hoxha nuk do glorifikohet, por do thuhen edhe disa arritje të atij regjimi.

“Deklartat se Hoxha dhe diktatura e tij do të rishkruhen, nuk do të thotë se në tekste do të glorifikohet Enver Hoxha dhe epoka e tij, nuk do të thotë se do të ringjallet komunizmi i vdekur shqiptar, nuk do të thotë se do të harrohen krimet, vuajtjet dhe sakrificat e shqiptarëve në këtë regjim. Nuk do të bëhet siç pretendon zoti Lubonja, “normalizimi” i figurës së Enver  Hoxhës dhe diktaturës së tij, por do të normalizohet pasqyrimi objektiv i një periudhe historike që nuk mund të fshihet”, nuk mund të injorohet, apo edhe të bastardohet deri në infinit nga njerëz që e kanë për detyrë të rishkruarit e historisë”, ka shkruar Milo.

a.k