Politikë

Presidenti i Republikës, Bujar Nishani, ka reaguar ndaj komenteve të Visar Zhitit, i Ngarkuar me Punë i Shqipërisë në Vatikan, i cili një ditë më parë akuzonte kreun e shtetit për dekretimin e Fatmir Xhafës si ministër i Brendshëm. Përmes një interviste të shkurtër në gazetën “Panorama”, Nishani zbulon disa arsye se përse nuk u dekretua Zhiti si ambasador në Vatikan, çështje kjo që ka lënë pezull përfaqësimin e Shqipërisë në Selinë e Shenjtë. 

Kryeministri Edi Rama ka qenë dje në studion e “News24” për një intervistë për aktualitetin politik. Ai ka dhënë disa përgjigje për zhvillimet kryesore mes të cilave atë se vettingu do të bëhet, se kërkesa për qeveri teknike as që diskutohet, për shkak se mandati i tij buron nga votat. Për koalicionin dhe rikonfirmimin e tij, Rama ka qenë i paqartë, nëse është në rrugën e një marrëveshjeje të re me Ilir Metën. Por ai ka qenë më i hapur kur ka folur për detyrën e kryeministrit, e cila sipas tij i takon partisë që del e para në zgjedhje. 

Ish-kryeministri Sali Berisha ka pritur sot në zyrën e vet ambasadorin amerikan në Tiranë, Donald Lu. Raportimin mbi takimin e bën vetë Berisha që shkruan në profilin e vet në Facebook se takimi ishte me natyrë informative mbi qëndrimet e opozitës. Berisha ka bërë një ekspoze për arsyet se përse PD-ja është në protestë, për drogën që ka mbuluar vendin dhe ka krijuar fondin e financimit elektoral. Në pasazhet e veta, Berisha ka akuzuar hapur edhe Lu si mbështetës të politikës së kanabizimit, duke mbështetur Edi Ramën kryeministër, të cilin ai e krahasoi me Manuel Noriegën e Panamasë.

Ilir Meta përforcoi sot mesazhin e dhënë nga Luan Rama se zgjedhje pa opozitën nuk mund të ketë, duke treguar se është ai që vendos rregullat e lojës, pavarësisht se çfarë thotë kryeministri i vendit. “Më vjen keq për këtë pyetje. Njoftoheni të gjithë se pluralizmi ka ardhur që në 12 dhjetor të 1990-ës në Shqipëri dhe ne duhet të gjithë të punojmë që këto të jenë zgjedhje të shkëlqyera, larg qëndrimeve kategorike që mund të na sillnin pasoja katastrofike, të padëshiruara për Shqipërinë dhe shqiptarët dhe sidomos këta fëmijë”- tha Meta.

Edi Rama rrezikon të hyjë i vetëm në zgjedhje, pasi LSI duket se nuk do e ndjekë nga pas pasi i qëndron parimit për zgjedhje me opozitën. Një ditë pasi Edi Rama ose partneri në koalicion tha se nuk e tremb një vetëpërjashtim i Partisë Demokratike nga sistemi, shfaqet LSI dhe nënkryetari i saj Luan Rama që deklaron se zgjedhjet pa opozitën do ishin farsë dhe do cënonin standardet demokratike të vendit.

Çfarë lloj shteti është Shqipëria e sotme? Çfarë përfaqëson ajo në arenën ndërkombëtare përveç ekzistencës nominale? A e merr kush seriozisht këtë lloj krijese pa formë dhe pa përmbajtje që ushtron talentin e vet për gjullurdi të vogla si prej sarhoshi që ka rënë në dy pare xhepi? Me sa duket jo dhe këtë mund të kuptosh në një politikë pa sens dhe pa kuptim, që kryqëzon çdo akt dhe çdo korrent, kondensuar natyrshëm vetëm nga parëndësia e saj.

Pas dekretimit nga Presidenti Nishani si Ministër i Brendshëm Fatmir Xhafaj ka sqaruar me një deklaratë publike  akuzat mbi të kaluarën e tij si hetues i Prokurorisë Krujës. Deklarata vjen si përgjigje ndaj rezervave të shprehura nga Nishani për figurën e tij, duke përcjellë edhe mesazhin se nuk ka ndërmend të tërhiqet.

Dekretimi i Fatmir Xhafajt në detyrën e ministrit të Brendshëm, ka ekspozuar Presidentin e Republikës Bujar Nishani, ndaj sjelljes me dy standarde. Ndonëse Nishani ka sqaruar se nukka tagër të kthejë kandidaturën në fjalë, të cilën përndryshe do ta refuzonte, poeti Visar Zhiti, i refuzuar nga Presidenti aktual për  dekretim në detyrën e ambasadorit të Shqipërisë në Vatikan, ka reaguar duke mos kursyer fyerjet.

Presidenti i Republikës Bujar Nishani ka përmbushur sot detyrimet e veta kushtetuese duke dekretuar shkarkimin e katër ministrave dhe emërimin e katër të tjerëve, të gjithë propozime të kryeministrit të Shqipërisë, Edi Rama.

Dekretet kanë zyrtarizuar shkarkimin nga detyra të ministrave Tahiri, Çuçi, Beqja dhe Klosi dhe emërimin në detyrë të ministrave Fatmir Xhafa, Eduard Shalsi, Ogerta Manastirliu dhe Olta Xhaçka, respektivisht në dikasterin e Ministrisë së Brendshme, Çështjeve Vendore, Shëndetësisë dhe Mirëqenies Sociale dhe Rinisë.

Me jo pak mllef për opozitën dhe mediat, kryeministri Rama në komunikimin e fundjavës nuk tregoi shenja tërheqje nga qëndrimi për të mbyllur mandatin sipas afateve kushtetuese, ndërsa dekalaroi se mazhoranca do të futet në zgjedhje edhe pa opozitën.  Ai tha se nuk ka ndërmend të prishë kontratën me popullin dhe se kriza që trumbeton opozita është vetëm e saj dhe jo e Shqipërisë, duke folur për interesa të ngushta politiko-mediatike dhe para të pista të investuara kundër qeverisë dhe atij personalisht.  Rama tha se është i hapur për dialog dhe se mirëpret çdo propozim të ri për ndryshimin e