Politikë

Kryeministri ka nisur luftën kundër shpifjes duke përpiluar një paketë nenesh që janë shumë të diskutueshëm, por nga ana tjetër sjellja e institucioneve publike lidhur e dhënien e informacionit është përkeqësuar. Komisioneri për Mbrojtjen e të Dhënave dhe të drejtën e Informimit, Besnik Dervishi, raportoi sot në Komisionin Parlamentar të Ligjeve, ku ka bërë të ditur se numri i ankesave për informimin këtë vit është rritur me më shumë se 200 në krahasim me vitin e kaluar.

Kujt opozite t’i besohet? Kjo është një pyetje që ka zënë vend në diskutimin politik të paktën që nga maji i vitit 2017. Dhe duket se do të mbetet pa përgjigje për një kohë të madhe. Sot Partia Demokratike, përmes përfaqësuesve të saj, Jorida Tabaku dhe Gazmend Bardhi, ka akuzuar kryeministrin Edi Rama dhe kryebashkiakun Erjon Veliaj si përgjegjës të një afere të re që fshihet pas projektit të Unazës së Madhe:

Në datën 8 dhjetor 2018, ministri i Infrastrukturës Damian Gjiknuri do të sqaronte në rrjetin social Facebook situatën e krijuar me kompaninë DH Albania e cila ishte shpallur fituese e Lotit 1 në projektin e Unazës së Madhe. Ndër të tjera Gjinuri shprehej se:

Kompania në fjalë nuk ka marrë asnjë qindarkë nga Buxheti i Shtetit dhe garancia e saj financiare do të sekuestrohet, në rast se dokumentat e paraqitura prej tyre në garë nuk janë autentike.

Gent Ibrahimi është zgjedhur sot kryetar i Këshillit të Lartë të Prokurorisë. Kjo është vendosur në mbledhjen e parë të këtij këshilli që është konstituuar pak ditë më parë.

Me zgjedhjen e Ibrahimit krijohet mundësia ligjore që brenda pesë ditëve të hapet gara për Prokuror të Përgjithshëm, që aktualisht funksionon si zgjedhje e përkohshme.

KLP-ja 11 anëtarë dhe ajo parashikohet si organ në Kushtetutë së bashku me Këshillin e Lartë të Gjyqësorit, mbajtur peng prej dy vitesh për shkak të vettingut dhe një sërë procedurash që janë në shkelje afatesh.

Nuk vonoi që edhe Delegacioni i Bashkimit Europian në Tiranë të lëshojë pompën e vet të ujit mbi zjarrin e protestave. Kreu i tij, Luigi Soreca ka shpërndarë sot një deklaratë përmes së cilës bën thirrje për dialog, por edhe kujton sesa të mira janë protestat:

Komisioni Parlamentar i Ekonomisë ka rrëzuar sot kandidaturën e Vitore Tushës për kryetare të Kontrollit të Lartë të Shtetit. Kreu i këtij komisioni, socialisti Erjon Braçe është shprehur se Tusha nuk ka përvojë në auditime dhe për këtë arsye ajo nuk duhet miratuar për detyrën në fjalë. 

Sinqerisht mezi po pres fushatën. Dua të shoh çfarë alternativash të reja ka që edhe unë të mësoj dhe të shoh çfarë duhet të bëjmë më mirë

Kështu deklaroi në daljen e fundit në “E diela shqiptare”, kryebashkiaku i Tiranës Erjon Veliaj. Zoti Veliaj madje ka shtuar se ai e ka me shumë pasion punën që bën. Një deklaratë e cila lë të kuptojë se z. Veliaj e konsideron veten si kandidatin e Partisë Socialiste për zgjedhjet vendore të vitit 2019.

Kolegji i Posaçëm i Apelit ka shkarkuar sot nga detyra kryetarin e Gjykatës Kushtetuese Bashkim Dedja. Trupa e përbërë nga Ardian Hajdari, Luan Daçi, Albana Shtylla, Natasha Mulaj dhe Rezarta Schuetz arritën në përfundimin Bashkim Dedja nuk justifikon pasurinë dhe nuk ka nivelin e besueshëm për të vijuar detyrën.
Çështja erdhi në Kolegj pas ankesës së Komisionerit Publik pasi Dedja kishte kaluar provën në Komisionin e Pavarur të Kualifikimit.