Zëra politikë të frikësuar nga largimi i SHBA prej ish-vendeve komuniste dhe rritja e ndikimit rus

Hungaria është mes disa vendeve ish komuniste, anëtare të BE-së, që kërkojnë marrëdhënie të ngushta me Shtetet e Bashkuara, ngjashëm me Shqipërinë. Pas rizgjedhjes së Obamës, zv.kryeministri hungarez, Tibor Navracsics i tha Zërit të Amerikës: “Mendoj se vendet e Evropës qendrore janë zhdukur nga sytë e politikës së jashtme amerikane. Analistë dhe grupe të ndryshme politike mendojnë se Evropa qendrore është e sigurtë dhe jo në rrezik të një ndikimi të mundshëm të Rusisë. Herë-herë ne mendojmë ndryshe”.
Zëri i Amerikës ka sjellë në një kronikë të vetën disa zëra potentë nga Europa që shprehin frikën e distancimit të Uashingtonit nga zona që përndryshe bien nën influencën ruse. Këto ndjenja ka edhe presidenti i Parlamentit Evropian, Martin Schulz, i cili u takua këtë javë me bashkëshortet e të burgosurve politikë në Bjellorusi. “Gjatë 2-3 vjetëve të fundit, herë pas here, ne kemi ndjerë një fare 'zbehje' në marrëdhëniet mes BE-së dhe Shteteve të Bashkuara".
Kurse Ministri i Jashtëm i Polonisë Radek Sikorski i tha një radiostacioni polak se Presidenti Obama pritet të përqëndrohet tek Lindja e Mesme, pas fitores në zgjedhjet e 6 nëntorit. "Tradicionalisht, presidentët në mandatin e dytë, veçanërisht të Partisë Demokrate, përpiqen më shumë të zgjidhin konfliktin izraelito-palestinez” - citohet Sikorski. (A.N.)
Comments
Rritja e ndikimit rus eshte
<p>Rritja e ndikimit rus eshte gje pozitive, sepse ne kete bote duhen ruajtur balancat :)</p>
Nuk ka asgje pozitive nga
<p>Nuk ka asgje pozitive nga ndikimi rus.Nqs do kishte dicka pozitive atehere do ta ndiente vete populli rus ne fillim.Ruset mezi presin nje shanc te emigrojne jashte.</p>
Romney do ishte shume here me
<p>Romney do ishte shume here me mire per ne dhe Europen nqs do ishte zgjedhur President </p>
Add new comment