(Vetë)vrasje në Gërdec

Vetëvritet në Gërdec Tushe Osmani, nëna e Resmije Osmanit, që u vra në tragjedinë e Gërdecit. Viktima eshte gjendur e vdekur dhe e helmuar. Disa media raportojnë në faqet online se sapo e kishin hequr nga puna, të tjera thonë që nje dite me pare CEZ i kishte prere dritat, per shkak te pamundesise per te paguar faturen e energjise. Dy vjet më parë ka vrarë veten nga dëshpërimi dhe Gazmend Osmani, burri i saj.

Ndërkohë gjyqi i tragjedisë së Gërdecit po shkon drejt fundit duke mos dënuar askënd. Fatmir Mediu, ministri i Mbrojtjes në atë kohë, po mbrohet me imunitet, oficerët e lartë janë amnistuar, ndërsa procesi ka degraduar si aksident teknik.