Vetëm në u bëfshin në 15 ditët që kanë mbetur...

E përditshmja DITA ka botuar sot një listë të premtimeve të qeverisë për 100 vjetorin dhënë nga vetë kreu i saj, Berisha përgjatë dy viteve të fundit nga 2010 në 2012. Mendohej se ishin vetëm Stadiumi i ri dhe Parlamenti i ri , por në fakt (të mbledhura bashkë) duken vërtet shumë. Në të gjithë deklarimet e kreut të qeverisë (të cituara me data dhe vende në DITA-n e sotme) bie në sy se ai ka vendosur si kufi të realizimit 28 nëntorin e këtij viti. "Vetëm në u bëfshin në 15 ditët që kanë mbetur - ironizon autori i artikullit, gazetari Erion Habilaj i DITA-s.

Më poshtë lista e premtimeve sipas të përditshmes në fjalë që e shoqëron artikullin me një karikaturë të Berishës në faqe të parë, ku kreu i ekzekutivit shfaqet me një hundë të zgjatur në formën e kutisë së votimit:
Ndërtimi i Teatrit të Ri Kombëtar – Premtim i pambajtur
Parlament i ri te Piramida – Premtim i pambajtur
Monument i Azem Hajdarit te Parku “Rinia” – Premtim i pambajtur
Obelisku i të Përndjekurve në sheshin përpara Piramidës – Premtim i pambajtur
Muzeu i të Përndjekurve në Burgun e Spaçit – Premtim i pambajtur
Muzeu i Nënë Terezës – Premtim i pambajtur
Stadiumi i ri kombëtar – Premtim i pambajtur
Busti i Pjetër Arbnorit para piramidës – Premtim i pambajtur
Shakira, Rihana dhe Lejdi Gaga në Vlorë më 28 nëntor – Premtim i pambajtur (Ne.Su.)