(Veprimtari) Adem Demaçi thotë se nuk e ka "blerë" Thaçi, por këshillon Haradinajn të mos pretendojë më shumë se Zv/Kryeministër!

Veprimtari Adem Demaçi u ka dhënë përgjigje të gjithë atyre që po e akuzojnë se është blerë nga Kryeministri Hashim Thaçi. Adem Demaçi ka thënë se atë s’ka mundur ta blejë as Serbia e Jugosllavia, dhe se një gjë të tillë nuk mund ta bëjë as Hashim Thaçi, citon gazeta Express. Tejtër punë që Qeveria e Kosovës (lexo: Thaçi) i mundëson Demaçit një pagë mujore prej shtetit, ndërsa kohë më parë ka akorduar 90 mijë euro për botimin e librave të kolanës së tij, edhe pse duket e vështirë ti gjesh një titull tjetër profesional, përveçse “veprimtar”.

Prandaj nuk është e vështirë të kuptosh sep Adem Demaçi mbron Thaçin e “qorton” Haradinajn pse do të bëhet kryeministër. Ai ka thënë se Haradinaj duhet të presë zgjedhjet ose të bëhet Zëvendëskryeministër, pasi pozitën e Kryeministrit aktualisht e ka Hashim Thaçi.

“Ramushi më pëlqeu disa ditë, por një ditë tha dua të bëhem Kryeministër. S’më pëlqeu. Nuk më pëlqeu sepse janë votimet, janë rrugët e tjera, janë marrëveshjet, është një Zëvendëskryeministër. Besoj se nuk do të ishte problem. Por të bëhesh Kryeministër, ku ta çojmë z. Hashim, ku ta çojmë”, ka thënë Demaçi. K.C.