Valë hashashi shqiptar, kamioni me 7 kuintalë kapet në Greqi pas 9 kuintalëve në Itali
Kuintalët dhe tonët e sasive me kanabis sativa të nisura nga Shqipëria nuk kanë të mbaruar. Rreth 700 kilogramë lëndë narkotike e llojit kanabis sativa është sekuestruar gjatë një operacioni antidrogë të zhvilluar nga policia greke në Selanik. Sipas policisë greke, lënda narkotike ishte fshehur në pjesën e sipërme të një kamioni frigorifer i cili kishte kaluar një ditë më parë në pikën kufitare të Kapshticës.
Në vazhdim, kamioni u ngarkua me fruta në Follorinë dhe kishte destinacion Gjermaninë. Për fshehjen e gjurmëve, trafikantët e kishin paketuar lëndën narkotike me shtresë të posaçme izoluese prej alumini, madje kishin marrë dhe masat që droga të ruante edhe lagështirën e duhur. Në cilësinë e provës materiale u sekuestrua kamioni si dhe për dy drejtuesit e tij, një shtetas shqiptar 41 vjeçar dhe një grek 54-vjeçar, u dha masa e arrestit burg pa afat. Ndërkaq, tre ditë më parë, policia italiane sekuestroi 900 kg kanabis në një garazh të Fiumiçinos të fshehura brenda një makine.
a.k
Comments
Epo kanabis i prodhuar ne
<p>Epo kanabis i prodhuar ne kohen e Saliut e Bashes po tenton te iki me te gjitha menyrat. Ndersa ajo kapet, te dy keta vene ulerimen dhe kerkojne qe populli t'i ndihmoje te kapercejne kete "hall te madh" qe i ka zene me kete qeveri e sidomos me Ramen, qe ne vend te behen bashkepunetore po i kapin si lepuri ne cark, brenda e jashte Shqiperise. Shume te "poshter" keta qeveriatret e sotem!?</p>
Boni, Problemi eshte se
<p>Boni,</p><p>Problemi eshte se kanabisi nuk eshte kapur nga policia e Tahirit por nga ajo greke e ky nuk mund te quhet sukses i qeverise Rama. </p><p>Te njejtat akuza qe ti ben per kohen e Berishes mund te behen edhe per Rilindesit aq me teper qe nga drejtuesit e policise se rilindjes eshte thene solemnisht qe ne Lazarat nuk ka kanabis.</p>
Add new comment