Ushtarja e parë transseksuale e Zvicrës, me shërbim në Kosovë
Ka jetuar për 40 vjet si mashkull ndërkohë që është ndjerë femër. Sot, Claudia Sabine Meier, që është lindur si Andreas Heribert Meier ka plotësuar dëshirën nga fëmijëria: të bëhet femër dhe të shërbejë në ushtri. Gazeta “Express” shkruan se ajo është femra e parë transseksuale në ushtrinë e Zvicrës dhe gjithsesi e para që si e tillë shërben në Swisscoy, forcat zvicerane në kuadër të KFOR-it në Kosovë.
“Shumë gjatë, pothuaj gjithë jetën ka punuar si shef në hotelin e prindërve në kantonin e Bernës. Derisa një ditë, nga fundi i vitit 2010 ka shkuar dhe u është prezantuar vartësve të saj: prej sot unë nuk jam shefi, por shefja juaj” shkruan “Bernerzeitung.ch” e cituar nga “Express”. Ndërkohë, ajo u është nënshtruar disa operacioneve për të marrë pamjen e femrës. Por zyrtarisht emrin femëror e ka marrë vetëm para pak muajve. Duke qenë në Kosovë, ajo thotë se atje perceptohet mjaft mirë si femër, nga ata që nuk e njohin.
n.k
Add new comment