Unë do jem taksapaguesi më i madh në sektorin publik - premton Rama

Forumi Rinor Eurosocialist i Shqipërisë ka festuar pasditen e së martës në Tiranë 21-vjetorin e themelimit të tij. Televizioni TCH citon kreun e opozitës, Rama: “Do sjellim lirinë që u mungon studentëve, mësuesve, prindërve, shoqërisë e individit. Lirinë që i mungon konkurrencës për një degë studimi, për një bursë në universitet, apo për një biznes. Rilindja jonë do sjellë fundin e mungesës së lirisë së zgjedhjeve. Do sjellim siguri për njeriun, pronën, shëndetin dhe atdheun”.

Rama ka riprekur në fjalimin e tij para të rinjve edhe çështjen e shumëdebatuar të taksimit. “Ne do të qeverisim me drejtësi. Qeveritarët do të paguajnë më shumë taksa se sot, ndërsa mësuesit, mjekët e policët më pak. Kryeministri do të jetë taksapaguesi më i madh në sektorin publik” - tha Rama. A.N.

Më shumë:

http://top-channel.tv/artikull.php?id=249658

Në foto:

Rama sot gjatë festës së Forumit Rinor të partisë më të madhe opozitare (LSA)