Tufa kamzhikon PD-në: I iku misionit, u tall me pronarët e të persekutuarit

Shkrimtari dhe publicisti Agron Tufa ka dhënë një prononcim për Dojce Vele, në kuadër të një shkrimi mbi qarkullimin e elitave, ku nuk ka ngurruar të pohojë se Partia demokratike ka tradhtuar të djathtën. "Të marrim elitat politike në rradhët e PD-së. Mendoj se i kanë ikur misionit historik që duhej të merrnin mbi vete, si përfaqësues të së djathtës, për t'u marrë seriozisht me plagët e shtresës së të persekutuarve të regjimit komunist. Kanë zvarritur dhe trajtuar shkel e shko problemet e pronarëve të vërtetë, në një kohë që nuk ju falet mosmiratimi ende i një ligji efikas për lustracionin, duke e lënë Shqipërinë si vendin e vetëm ish komunist pa një ligj të tillë", ka thënë Tufa, në cilësinë e drejtorit të Institutit të Studimit të Krimeve të Komunizmit. Një tjetër kritikë brenda rradhëve të së djathtës kjo, kur vetëm pak ditë para zgjedhjeve, Tufa ka botuar një shkrim tek “Panorama” ku shprehej i bindur në fitoren e PD-së.

Re.Pu