Totozani këshillon kryekomunarin e Pustecit: Var një flamur të ri, qenka grisur

Avokati i Popullit Igli Totozani gjatë një takimi me kreun e komunës Pustec në Korcë, e njohur si zonë me minoritet maqedonas, nënvizoi se ka ardhur koha që qeveria shqiptare të miratojë një ligj për minoritetet. Teksa ka parë në këtë njësi vendore flamurin tonë kombëtar që valvitej i dëmtuar, Totozani i ka kërkuar kryekomunarit Themelko zëvendësimin e tij.

“Në mënyrë miqësore i këshillova kryetarit që të ndryshojë flamurin shqiptar që është aty, pasi është në gjendje jo të mirë, është pak i grisur. Dhe ai më premtoi që do e bëjë sa më shpejt dhe kjo do ishte gjithashtu diçka e mirë”, deklaroi Totozani.  Në këtë takim janë diskutuar gjithashtu edhe cështje të tjera të rëndësishme që shqetësojnë këtë minoritet. Kjo komunë deri para një viti quhej komuna “Liqenas” por me vendim të Kuvendit të Shqipërisë dhe propozim të Këshillit Komunal, u vendos të quhej komuna “Pustec” duke rikthyer emrin maqedonas të fshatit.

Për më shumë: http://www.balkanweb.com/kryesore/1/totozani-keshillon-kryekomunarin-e-pustecit-var-nje-flamur-te-ri-qenka-grisur-181512.html

k.k