Toponimet, Greqia do të lejojë kalimin e fëmijëve shqiptarë deri në fund të gushtit

Ka mjaftuar një takim midis drejtorit të kufirit të Gjirokastrës, Admir Abrija dhe komandantit të pikës kufitare të Kakavijës për palën greke, për të zgjidhur (të paktën deri në fund të gushtit) çështjen e toponimit të emrave për fëmijët e emigrantëve shqiptarë që kanë lindur në vendin fqinj. Ky vendim, i cili lehtëson kalimin e emigrantëve shqiptarë në të dy anët e kufirit pas problemeve të shumta që kanë pasur me pasaportat e fëmijëve të tyre në të cilat emrat janë shkruar shqip, erdhi pasi pala greke lëshoi sot një urdhër sipas të cilit vetëm fëmijët e emigrantëve që kanë lindur në Athinë do të mund të kalonin nga Shqipëria në drejtim të Greqisë.

Prej dy vitesh, çështja e toponimeve është kthyer në një makth të vërtetë për emigrantët shqiptarë që jetojnë dhe punojnë në Greqi, të cilët kanë frikë të kthehen në atdhe për pushime sepse fëmijët e tyre mund të mbesin këtej kufirit. Ndonëse problemi është vlerësuar si i rëndësishëm nga pala shqiptare, deri më tani nuk është arritur asnjë marrëveshje përfundimtare për zgjidhjen e tij.

Re.Pu