Topalli, "thirrje 200 grave lidere nga e gjithë bota që.. të mos kenë frikë!" Nga duhet të kthejmë prozhektorët - thotë

Në një samit ndërkombëtar në Prishtinë për të drejtat e grave, ka qenë sot edhe kryetarja e Kuvendit të Shqipërisë. I hodhëm një sy pasqyrimit të këtij aktiviteti në faqen zyrtare të Kuvendit. E para gjë që bie në sy? Një përpjekje naïve e gati komike për të theksuar e riktheksuar disa herë që Topalli mbajti një fjalë para "200 grave lidere nga e gjithë bota", madje u bëri edhe thirrje që .. të mos kenë frikë. Ja një nga fjalitë e njoftimit zyrtar të KSH: "Në fjalën e saj përpara rreth 200 grave lidere nga e gjithë bota, Kryetarja e Kuvendit i bëri thirrje çdo gruaje, çdo nëne, çdo bije: “Mos rrini mënjanë, mos u nënshtroni, “Mos kini frikë”. Thuajse në të gjitha fotot që janë zgjedhur për të shoqëruar fjalimin, shihet Topalli dhe ish-sekretarja amerikane Madeleine Albright, 199 gratë e tjera "lidere nga e gjithë bota", me sa duket stafi i faqes i ka konsideruar jo në lartësinë e mjaftueshme për t'u klasifikuar në njoftim.

Ja disa nga fjalitë e znj.Topalli të shkëputura nga fjalimi në faqen zyrtare të Kuvendit:

“Ne e dimëse të jesh grua nuk ka qenë ndonjëherë dhe nuk është një gjë e lehtë. Por është diçka mahnitëse. Është ndryshim. Është paqe. Është jeta. Ne e dimë, se ndërtimi i demokracisë nuk është i lehtë. Ruajtja e saj është akoma dhe më e vështirë. Lexoj shpesh se “gruaja është agjent ndryshimi”. Është e vërtetë, por mua më duket pak e ftohtë… Kush mund të thotë se ne që lindim e rrisim fëmijë nuk duhet t’i përfaqësojmë ato njëlloj si burrat në Parlament? Kjo jo vetëm nuk është e drejtë, por nuk është as e zgjuar… Ndryshimet e vërteta sot janë midis atyre që shikojnë drejt së ardhmes dhe atyre që kacavirren  mbas së shkuarës. Mes atyre që janë largpamës dhe atyre të vendosur për të treguar grushtat…Studimet e fundit thonë se gruaja është edhe më inteligjente. Unë dua që politika të ketë me mijëra zonja si Albright, me mijëra zonja si Thatcher, me mijëra zonja si Clinton, me mijëra zonja si Merkel… Çdo grua duhet të nxjerr në pah virtytet e saj, forcën e saj. Ne duhet të kthejmë prozhektorët tanë (prozhektorët? Uau!) tek ato gra që kanë punuar dhe punojnë për të ndryshuar botën…" etj  - A.N.

Citimet nga:

http://kryetari.parlament.al/?crd=0,64,2,0,0,14766