Top Channel, TV Klan, TVSH etj., më keq se TV-ja koreano-veriore…

Në të gjitha emisionet e sotme të lajmeve në televizionet e Tiranës, zinte një vend të rëndësishëm fjalimi i përjavshëm i Berishës në mbledhjen e qeverisë. Dhe kryefjala e fjalimit të tij ishte “sihariqi” që në këtë vendin tonë të mrekullueshëm “tregëtia është rritur me 25,6% këtë vit, krahasuar me vitin e kaluar”. Në qoftë se një kryeministër në një vend normal demokratik do të kishte dhënë një “sihariq” të tillë në mbledhje të qeverisë, televizionet në atë vend do të kishin si kryelajm lajmin “KRYEMINISTRI YNË ËSHTË ÇMENDUR!”. Kjo, sepse edhe në Korenë e Veriut nuk ka ndodhur ndonjëherë që kryeministri të deklarojë se volumi i tregëtisë është rritur “25,6% këtë vit, krahasuar me vitin e kaluar”.
Ndërsa TV Klani, Top Channel-i, TVSH-ja etj. transmetuan kronikën e zgjeruar të mbledhjes së qeverisë, ku Berisha dha këtë “sihariqin” e mësipërm, dhe vazhduan me kronikat e tjera, sikur të mos kishte ndodhur asgjë e jashtëzakonshme. Vetëm Vizion Plus nuk u tregua “koreanoverior”, sepse përkrah kronikës së mbledhjes së qeverisë, dha edhe një lajm për raportin më të fundit të INSTAT-it për shitjet me pakicë, i cili tregonte se, krahasuar me të njëjtën periudhë të vitit paraardhës, indeksi i volumit të shitjeve në tregtinë me pakicë jo vetëm që nuk u rrit, por u ul 1.2 përqind ( http://www.vizionplus.tv/index.php?option=com_content&view=a... ).
Ndërsa në respublica.al u publikua një koment i shkurtër rreth kësaj thagme të Berishës, fill pasi e nxori nga goja (http://www.respublica.al/artikuj/2012/09/12/rama-eshte-i-ngr... )
E.Zaloshnja