Themelohet në Nju Jork shoqata ADA – “Shqiptarët për një Shqipëri Demokratike”

Një grup shqiptaro-amerikanësh dhe shqiptaro-kanadezësh kanë themeluar sot shoqatën “Albanians for a Democratic Albania” (ADA, ose shqip, “Shqiptarët për një Shqipëri Demokratke”). ADA udhëhiqet nga aktivisti shqiptaro-amerikan Gary Q. Kokalari, i cili ka qenë shumë aktiv në lobimin në Uashington kundër korrupsionit të administratës shqiptare si në 12 vitet e qeverisjes së PD-së, ashtu edhe në 8 vitet e qeverisjes së PS-së.

Në një konferencë të sotme për shtyp, Kokalari deklaroi se, “pas 5 dekadash diktature komuniste dhe një sërë regjimesh të korruptuara autoritare post-komuniste, shqiptarët janë gati për ndryshim.” Në deklaratën për shtyp të ADA-s, theksohet se ajo do të punojë për vendosjen e demokracisë në Shqipëri në mënyrë të pavarur prej partive politike të Tiranës.
Re.Pu.