Thaçi President e Haradinaj Kryeministër?

Koha Ditore i referohet një burimi në Beograd, që thotë se pakti është lidhur: Thaçi President e Haradinaj Kryeministër
Koha Ditore jep lajmin se “Partia Demokratike e Kosovës dhe Aleanca për Ardhmërinë e Kosovës kanë rënë në ujdi që bashkërisht të formojnë qeverinë e re, në të cilën kryeministër do të jetë Ramush Haradinaj, kurse president [do të jetë] Hashim Thaçi; sipas kësaj ujdie, presidentja aktuale Atifete Jahjaga do të marrë postin e ministres së Punëve të Brendshme”. Është një lajm që duhet besuar? Në fakt, Koha Ditore është e vetmja gazetë kosovare që e thotë këtë. Për më tepër, burimi është larg Prishtinës; është në Beograd. Është gazeta e njohur Blic që e ka shpërndarë këtë info, dhe ç’është më e bukura, kjo gazetë ka për burim një sit me emrin Infocus, që nuk është fort i njohur; madje, është i panjohur.
Sipas këtij siti, menjëherë pas konkretizimit e shpalljes së marrëveshjes, Jahjaga do të japë dorëheqje, duke i hapur kështu rrugën propozimit të Thaçit për president, i cili nga ana e vet do të emërojë Haradinajn kryeministër”.
Lajmi duket i besueshëm (ka kohë që flitet), por burimi …. Jo dhe aq.
Re.Pu.