Tensione në Maqedoni; Rasmussen viziton Shkupin, deputetët e LSDM-së dorëzojnë mandatet. Akuza të rënda edhe ndaj Ali Ahmetit

Situata në Maqedoni duket se po përshkallëzohet duke prodhuar të panjohura të mëdha. Kështu sot bëhet e ditur se deputetët e opozitës maqedonase të LSDM-së kanë dorëzuar mandatet e deputetit si shenjë pakënaqësie ndaj zgjedhjeve të fundit dhe si reagim për mosnjohjen e presidentit George Ivanov. (http://shenja.mk/index.php/lajme/vendi/11429-deputetet-e-lsdm-se-firmosin-doreheqjet.html). Ndërkohë sekretari i Përgjithshëm i NATO-s, Rasmussen ndodhet në Shkup ku parashikohet të zhvillojë takime me Gruevskin, Ali Ahmetin, ministrin e Jashtëm Nikolla Poposki dhe ministrin e Mbrojtjes Talat Xhaferri. Në këtë kuadër, mediat shqiptare në Maqedoni publikojnë sot një letër që kryetari i Shoqatës së Veteranëve të Luftës të Ushtrisë Çlirimtare Kombëtare Fazli Veliu-Daja  i ka dërguar Rasmusenit e përmes të cilës “kërkon ndërhyrje urgjente të NATO-s në Maqedoni për shkak të politikës antishqiptare të institucioneve shtetërore, në të cilat merr pjesë edhe BDI-ja”. Z. Veliu është daja i Ali Ahmetit, kryetarit të BDI-së, ndaj edhe letra ka bërë bujë, përveç faktit se një pjesë e shqiptarëve po refuzojnë të pranojnë hakmarrjen maqedonase për vrasjen e një të riu maqedonas. (http://almakos.com/lajme/maqedoni/51602-senzacionale-daja-fazli-kerkon-nderhyrjen-e-nato-s-kunder-nipit-ali.html).

s.z