Takim në Presidencë për reformën territoriale. Nishani paralajmëron një “Jo” për hartën e re
Presidenti i Republikës, Bujar Nishani ka marrë sot një qëndrim të parë zyrtar mbi reformën territoriale. Faqja zyrtare e Presidencës bën me dije për një takim të Nishanit me përfaqësues të Shoqatës së Komunave të vendit , në të cilin është folur për këtë çështje. Në njoftimin përkatës nënvizohet se “Presidenti garantoi se mbështet plotësisht nismën e qeverisë për ndërmarrjen e reformës administrativo-territoriale duke e konsideruar atë si një çështje te rëndësishme”, por fjalia përmbyllet me një lloj toni paralajmërues kur shton se “kryerja e saj duhet të bëhet në përputhje të plotë me interesat kombëtare, ato të qytetarëve dhe duhet të jetë një proces i mbështetur në Kushtetutën dhe ligjet e vendit”. Nëse do ta lexonim drejt këtë frazë, ajo nënthotë se ligji që ka tanimë në tryezë Presidenti nuk vjen në përmbushje me kërkesat e Kushtetutës. Aq më tepër kur në po të njëjtin njoftim Presidenti i Republikës shprehet se “ kryerja e kësaj reforme shumë të rëndësishme, e cila kërkon ekspertizë dhe profesionalizëm, i ngarkon me përgjegjësi historike të gjithë ata që qëlluan të jenë aktorë vendimmarrës në këtë moment të caktuar”. Dhe më tej: “ Kam marrë me dhjetëra letra, peticione nga qytetarët ku shprehen ankesat, kërkesat dhe referimet e tyre lidhur me procesin që i parapriu hartimit të ligjit që pritet të shqyrtohet nga Kreu i Shtetit”.
s.z
Comments
Po ku eshte cudia ketu,ky
<p>Po ku eshte cudia ketu,ky eshte president i PD jo i vendit,njeri pa dinjitet,kujton mustaqja se se eshte akoma oficer dhe jo kreu i shtetit!</p>
Add new comment