Tahiri: "Në 300 ditë policia po lufton kulturën e bakshishit"

Ministria e Brendshme ka zhvilluar analizën e 300 ditëve të para të punës nën qeverisjen e maxhorancës së majtë. Ministri i Brendshmëm Sajmir Tahiri deklaroi gjatë kësaj analize se në këto 300 ditë Policia e Shtetit po lufton kulturën ndaj bakshishit. Sipas Tahirit, sfidë për Policinë e Shtetit ngelet lufta ndaj korrupsionit dhe abuzimeve me detyrën të vetë efektivëve të policisë. Në fjalën e tij Tahiri tha se gjatë kësaj periudhe  janë penalizuar rreth 700 punonjës të forcave policore për abuzime me detyrën, por kjo nuk do të thotë se nuk ka ende raste të tjera për tu ‘luftuar’. Duke u ndalur tek arritjet e Ministrisë së Brendshme, Tahiri theksoi më tej se qytetarët kanë rritur besimin tek policia. Sipas tij, janë përcaktuar kritere rigoroze për përzgjedhjen e efektivëve të policisë. “Dje nuk kërkohej llogari as për sjelljet dhe as për rregullat e as për veshjet. Kemi shkëputur drejtimin e policisë së shtetit nga korrupsioni dhe kem i ngritur një sistem më të sigurt. Kemi hedhur kriteret rigoroze për përmbushjen e detyrës. Në këto 300 ditë publiku i ka besuar policisë më shumë. Në vetëm 300 ditë janë 18 mijë telefonata më shumë në Policinë e shtetit nga qytetarët. Rreth 57 mijë konflikte janë zgjidhur nga policia e shtetit. Qytetarët kanë rifituar besimin tek policia. Pra, në 300 ditë kemi bërë se çështje e mundur që qytetarët të na besojnë”, - tha ministri tahiri ne fjalën e tij.

Për më shumë detaje lexoni informacionin në linkun e mëposhtëm:

http://www.balkanweb.com/kryesore/1/300-ditet-e-mb-tahiri-po-denohet-kul...