Tahiri “rrafshon” policinë rrugore, 88 uniforma lirohen nga detyra

Në një takim me dyer të mbyllura me krerë të policisë rrugore, ministri i Brendshëm Saimir Tahiri njoftoi praktikisht shkrirjen e kësaj force: Plot 77 policë e 11 oficerë të policisë rrugore të kryeqytetit janë liruar nga detyra pasi janë gjetur në shkelje të detyrës apo abuzime. Në përfundim të takimit, ministri Tahiri nuk dha asnjë deklaratë për mediat, ndërkohë që në një takim të mëhershëm me ambasadorin e BE-së Sequi, Tahiri prezantoi një serë reformash që parashikon të verë në zbatim, ndër të cilat edhe ndryshimet në policinë rrugore. Dy ditë më parë, pasi Tahiri pikasi personalisht një makinë zyrtare të Gardës duke kaluar semaforin me të kuq, ndaj drejtuesit të mjetit u mor masa e heqjes së patentës.

a.k