S.Tufa flet për dhunimet e varrezave në Ballsh: Kujt i intereson ky akt? Dhe përgjigjet: PD-së

Ish i përndjekuri politik Skënder Tufa, që deri vonë pësoi edhe një përndjekje të re nga qeveria e djathtë, ka reaguar me një deklaratë për ngjarjen e Ballshit javën e kaluar, ku u dhunuan disa varre të të pushkatuarve nga komunizmi. Deputetë të Partisë Demokratike deklaruan menjëherë publikisht se mazhoranca e re qëndron pas këtij akti vandal, por Tufa bën një analizë dhe arrin në konkluzion tjetër. “Lind pyetja: Kush ka interes sot për të prekur plagët e vjetra që të detyrojë njerëzit e indinjuar që të reagojnë. Nga sondazhi që kemi bërë, ka lindur edhe pyetja tjetër, kush i ka përdorur kufomat dhe varret e tyre për të marrë pushtetin me dhunë? Përgjigja ka qenë, Partia Demokratike”, thotë Tufa, dhe vazhdon me arsyetimin e tij: “Partia Demokratike ka deklaruar se do të bëjë opozitë të paparë, ata që bënë ekzekutime mafioze, ata që rrënuan pasuritë kombëtare, ata që cenuan identitetin kombëtar, ata që bënë Gërdecin, ata që vranë në mes të kryeqyteti, katër qytetarë, ata që sulmuan në mënyrën më të paturpshme të përndjekurit politikë të grevës së urisë shtator-tetor të vitit 2012, kanë provuar se mund të bëjnë gjithçka”.

a.k