Stefani shpjegon përse Berisha i thotë Edi Ramës Bllokmen

Në një përpjekje për të shpjeguar fiksimin e z. Berisha me “bllokmenët”, ku i referohet kryesisht z. Rama, Andrea Stefani beson se është një tentativë e pastër demagogjike, e drejtuar madje, më shumë ndaj ndërkombëtarëve përderisa “pranimi i së keqes më të vogël është elasticiteti më i rëndomtë në politikën kombëtare dhe ndërkombëtare”, siç shkruan ai.

Në shkrimin e botuar te Shqip, me titull “Përse Berisha i thotë Edi Ramës Bllokmen”, Stefani argumenton se “Berisha aspiron që ndërkombëtarët dhe shqiptarët, të zgjedhin autokratizmin e tij si të keqen më të vogël për Shqipërinë. Por për këtë duhet që përballë alternativës së tij despotike, të qëndrojë një tjetër alternativë më e zezë.”

Për Stefanin “...kemi të bëjmë me një dinakëri të kalkuluar jo aq trashë. Berisha ka mësuar në këto dy dekada të fundit, se në politikë e diplomaci, më shumë vlerë se fakti, ka interpretimi i tij pra, demagogjia. Aq më tepër kur bëhet fjalë për të ndikuar ca ndërkombëtarë që, kur është fjala për vende me koeficient të ulët si Shqipëria, veprojnë më shumë nën nxitjen e përshtypjeve të dala nga thashethemet sesa nga njohja e plotë e problemit. Vërtet mund të kem ca vese autokratike, duket sikur thotë Berisha, por a nuk është kjo një e keqe shumë më e vogël se rikthimi i “bllokmenëve”, pra i diktaturës së kuqe?”

k.c.

i plotë:

http://gazeta-shqip.com/lajme/2013/09/04/ja-perse-berisha-thote-edi-rames-bllokmen/