Spiro Ksera sulmon Avokatin e Popullit: Rekomandimet e tij, të frymëzuara politikisht
Ministri i Punës dhe Çështjeve Sociale Spiro Ksera ka sulmuar sot pasdite në një emision televiziv Avokatin e Popullit duke i quajtur rekomandimet që ky institucion i ka dërguar ministrisë së tij “të pavlefshme dhe të frymëzuara politikisht”.
Deklarimet e Kserës janë bërë në studion e UTV gjatë emisionit të orës 16.00 ku ministri ka debatuar me dy ndihmëskomisionerë të Avokatit të Popullit. Gjatë debatit ministri Ksera është pyetur përse nuk i zbaton rekomandimet e Avokatit të Popullit dhe reagimi i ministrit të Punës dhe Çështjeve Sociale ndër të tjera ka qenë se “rekomandimet e AP janë të pavlefshme dhe të frymëzuara politikisht”.
Tema e emisionit kanë qenë romët. Çështja e romëve është kthyer në vëmendje nga kërkesat e BE-së për kujdes ndaj tyre - (kërkesat e kësaj shtrese për azil kanë çuar në një paralajmërim për rifutjen e regjimit të vizave për disa vende të Ballkanit) - dhe ka qenë disa herë temë e rekomandimeve të Avokatit të Popullit, Igli Totozani, i cili që në ditët e para të mandatit, në acarin e janarit të këtij viti strehoi në institucionin e tij disa familje rome të dëbuara fillimisht nag stacioni i trenit në Tiranë e më pas nga disa vendqëndrime të tjera. A.N.
Comments
Edhe Avokatin e Popullit
<p>Edhe Avokatin e Popullit filluan ta akuzojne politikisht?! Vetem ai kishte mbetur pa share. Keta jane kafshe, plehra, servile te ndyre dhe teresisht injorante.</p>
Add new comment