Sokol Balla akuzon se dikush spiunoi në Beograd se ku ndodhej vëllai i Edi Ramës. “Express” shkruan se akuza është për Baton Haxhiun

Gazeta “Express” përcjell një status në “Facebook”, të gazetarit Sokol Balla, i cili akuzon se dikush nga shqiptarët që bënin pjesë në përfaqësinë e shqiptarëve në Beograd në ndeshjen e 14 tetorit, ka spiunuar në polici, se mes tyre ndodhej edhe Olsi Rama, vëllai i kryeministrit të Shqipërisë, Edi Rama. Aludimi i Ballës është se pas këtij akti, që ai e quan spiunim, serbët kanë përhapur edhe mitin e komandimit të dronit nga Olsi Rama. “Express” thotë se akuza është për Baton Haxhiun dhe për të qenë korrekt, po përcjellim statusin e Ballës, i cili tashmë, ka kalur kufijtë e profilit personal: “Një gazetë proserbe dhe e kontrolluar nga një udbash, ka marrë përsipër të më sulmojë. Por unë thjesht po qesh me xhuxhin e vogël që gjoja është kryeredaktor dhe shefin e tij të madh, i cili ditën e ndeshjes në Beograd, shkoi te policët dhe spiunoi se në cilën lozhë, ishte vëllai i KM të Shqipërisë”, shkruan Balla.

http://www.gazetaexpress.com/lajme/kush-spiunoi-sipas-sokol-balles-te-po...

s.z