Socialistët për punësimin në administratë: Ata që e meritojnë, por nuk do të harrohen edhe militantët

Siç kanë deklaruar edhe më parë, socialistët kanë vendosur të jenë të kujdesshëm në lidhje me qëndrimin që do të mbajnë ndaj administratës aktuale. Si kriter bazë do të jetë meritokracia.  Por nga ana tjetër, do të harrohen ata që e kanë mbështetur në tetë vitet e vështira të qëndrimit në opozitë dhe që nuk janë thjeshtë militantë, por dhe profesionistë që kohë pas kohe nga mazhoranca që po ikën janë larguar padrejtësisht, pavarësisht se kanë qënë të trajnuar dhe pavarësisht se një pjesë e tyre kanë fituar gjyqet dhe kanë marrë dëmshpërblimin nga shteti. Dhe për të pasur gjithçka nën kontroll, në funksion dhe të përzgjedhjes përmes konkurrencës dhe meritokracisë, është vendosur që të gjithë ata që do të punësohen do vijnë sipas qarqeve përmes kryesuesve të listës së deputetëve në qarqe.  Dhe nuk janë pak vendet e punës në qarqe, ku secili rreth përpos prefektit, në qark, ka dhe nënprefektë, si dhe këshilli i madh i qarkut, që përmbledh shumë vende pune dhe ku mund të sistemohen një pjesë e mirë e atyre që kanë kontribuar në zgjedhjet e 23 qershorit për fitores e së majtës. Nga ana tjetër më e “prvilegjuar” duhet Tirana, e cila do të përthithë dhe numrin më të madh të kontributorëve të PS më 23 qershor. Pasi përpos atyre në Tiranë, do të ketë dhe “listën” që vjen nga qarqet e tjera, ndonëse gjithçka do të kalojë përmes një konkurrimi të fortë dhe sipas ligjit. Ku të gjithëve do t’u jepet një mundësi, ndërkohë që ata militantë demokratë që janë në administratë thjeshtë se janë të tillë nuk do të kenë vend aty. Për këtë qëllim do të jenë të aktivizuar përpos drejtuesve të PS në rrethe edhe deputetët e qarqeve, për t’i kaluar emrat tek drejtuesi i grupit të deputetëve.

Zh.