Skandal: Ministria e Jashtme bën Memo elektorale??!!

Shqipi ka dy ditë që po publikon prova e dokumenta që provojnë faktin, se Berisha ka marrë shërbimet e kompanisë amerikane të lobimit “Podesta Group”, në këmbim të parave, kuptohet, sa herë që i është dashur të fshehë, apo t’i përligjë, bëmat e veta në Tiranë. Fjala vjen, bëma e 8 majit me rinumërimin e votave. Por në këtë mes nuk është përfshirë vetëm firma e Washington-it ‘Podesta Group’ (kjo firmë është afër demokratëve në SHBA). Shqipi i sotëm ka publikuar një Memo të shpërndarë pas 8 majit 2011 nga njerëzit e Podesta-s, me anë të së cilës synohet të kandiset diplomacia ndërkombëtare mbi saktësinë e vendimit të KQZ-së së Ristanit për ta bërë këtë rinumërim. Kush e ka bërë këtë Memo? Këtu është e forta. E ka bërë Ministria jonë e Jashtme. Memoja është e kopsitur mirë dhe është formuluar me një gjuhë ekspertësh, aq sa të vjen të mendosh se në këtë ministri ekziston dhe një departament elektoral, i mbushur me ekspertë mbi zgjedhjet. Ta kenë vërtet këtë departament?

Përtej kësaj pyetjeje retorike, fakti që diplomacia shqiptare është përzjerë  edhe në çështje të tilla, është skandaloz.

M.N.