Shtohet proteksionizmi turk ndaj Kosovës, Ministri Yilmaz: “Ju armatosim ne!”

Duket se Turqia e ka marrë shumë seriozisht na pikëpamja gjeo-strategjike Ballkanin, dhe se deklaratat e Kryeministrit Erdogan të para pak javëve për Kosovën kanë qenë vetëm preludi i shfaqjes së një “prezence” të re në ekuilibrat ballkanikë. Vizita e Ministrit turk të Mbrojtjes, Ismet Yilmaz, mund të duket si një vizitë rutinë, por deklarata e tij se do të furnizojë me armë Forcën e Sigurisë së Kosovës, njofton Express, flet se turqit kanë vendosur të investohen fuqimisht në krah të shqiptarëve të Kosovës.

Yilmaz ka pohuar se janë të gatshëm ta përkrahin në çdo aspekt Kosovën, duke quajtur kështu vend me sovranitet të plotë, por ka këshilluar që dialogu të vazhdojë dhe të mos mbyllet asnjëherë mundësia për të dialoguar. Ushtarët e FSK’së, oficerë apo nënoficerë kanë kaluar nëpër shkollat ushtarake të Turqisë, ndër ta edhe pilotë helikopterësh.

Ja.Se.