Shkup, plas dhuna etnike ndaj shqiptarëve

Në Shkup mbrëmë ka mbretëruar situatë e tensionuar dhe e frikshme, pas sulmeve brutale nga huliganë të organizuar maqedonas ndaj shqiptarëve, njofton agjensia e lajmeve INA.

Kjo situatë ka nisur menjëherë pas protestës së dhunshme para Qeverisë tëbërë nga disa grupe veteranësh e huliganësh kundër emërimit të ministrit të ri të mbrojtjes, Talat Xhaferi, për shkak të së kaluarës së tij si komandant i UÇK-së. Pas përballjes dhe përleshjes me policinë para Qeverisë, protestuesit janë shpërndarë për të nisur sulmin brutal ndaj qytetarëve shqiptarë në pjesën qendrore të Shkupit. Më pas sulmet kanë vijuar edhe në disa lagje tjera dhe se kryesisht caku i sulmeve kanë qenë gjithë ata qytetarë që janë identifikuar se janë të përkatësisë shqiptare, madje edhe para syve të policisë.

Ndërsa sot, Qindra protestues shqiptarë të organizuar nëpërmjet rrjeteve sociale sot kanë protestuar në shenjë revolte ndaj incidenteve të djeshme, sipas Balkanweb.

Deri para një ore, vazhdonin negociatat për lirimin e katër të arrestuarve shqiptarë, pjesëmarrësit në protestë kanë rifilluar të hedhin gurë dhe mjete të tjera në drejtim të pjesëtarëve policorë. 
Forcat e rendin po hedhin bomba tymi, gazlotsjelles por rrugët e kryeqytetit në zonën ku po vijojnë trazirat janë boshatisur plotësisht dhe siç raporton gazetari i “Zhurnal”, është një arenë e vërtetë lufte. 

K.C.