Serbia cakton ambasador shqiptar në Bratislavë, falënderon Sllovakinë për mosnjohjen e Kosovës

Shqiptari nga Mitrovica, Sani Dermaku është emëruar ambasador i Serbisë në Sllovaki. Dermaku i lindur në Mitrovicë, ka një karrierë të pasur në Ministrinë e Jashtme serbe duke shërbyer në nivele të larta të saj.

Sllovakia është një nga pesë vendet e Bashkimit Europian që ende nuk e ka njohur pavarësinë e Kosovës. Dermaku si përfaqësues i Serbisë në këtë shtet, do të lobojë në politikën sllovake që ky qëndrim mos të ndryshojë.

Në prezantimin e Letrave Kredenciale tek presidenti sllovak, Dermaku ka falënderuar Sllovakinë për mbështetjen që i ka dhënë Serbisë në rrugën e anëtarësimit për në BE, si dhe pozicionimin në mosnjohjen e njëanshme të pavarësisë së Kosovës, thuhet në njoftimin e ambasadës serbe.

S.S