Seks?? Në Kosovë të rrahin, ose më e pakta të shkatërrojnë mobiljet

Në ditën kushtuar seksit, organizata kosovare “Kosovo 2.0” kam mbajtur aktivitete kushtuar seksualizmit në Kosovë. Në të do të prezantohej dhe numri i ri i gazetës “Seksi”. Deri këtu, është thjesht një punë rutinë e një shoqate sikur një “shoqatë” tjetër, e quajtur “ Paqja Studentore” të mos çohej peshë duke e konsideruar këtë eveniment të turpshëm. Madje, në mbrëmjen e së premtes një grup personash të paidentifikuar shkuan edhe më larg, duke e shkatërruar ambientin ku ishte planifikuar të mbahej aktiviteti, siç raporton gazeta Express, që i ka vënë shkrimit titullin “Banda e Turpit”.

“Ne konsiderojmë se shoqëria kosovare ka nevojë për organizime që i shërbejnë ngritjes morale dhe akademike, e jo organizime të tilla çnjerëzore që i kontribuojnë së keqes dhe degradimit të kësaj shoqërie. Ne si organizatë studentore mbetemi të përkushtuar që të marrim traditën e punës së shteteve të Perëndimit, por kurrsesi t’i pasojmë në ato cilësi të cilat ne mendojmë se janë virus i një shoqërie të shëndoshë”, thuhet në komunikatën për mediet të lëshuar nga “Paqja Studentore”.

Që dhuna është bërë mjet i përditshëm komunikimi në trevvat shqiptare, kjo nuk është gjë e re. Por, qëkur dhe seksi është hequr nga lista e “virtyteve” të shqiptarit, kjo lë për t’u shqetësuar. Rritja e frymës konservatore në lidhje me shumë variabla të jetës shoqërore, paralajmëron një të ardhme të zymtë shoqërore pan-shqiptare.K.C.