Ruli nuk ka gjë me të rinjtë, por është i shqetësuar për të vjetrit

Në një intervistë për televizionin NEWS 24, ish-ministri i Bujqësisë, Genc Ruli kritikon përzgjedhjen e ministrave të rinj në moshë. Në fakt thotë (njëherazi) që edhe ka, edhe nuk ka gjë me rininë e kabinetit të majtë.

“Çdo forcë e re vjen me energji të reja. Në periudhë të vështirë duhet akoma më shumë  cilësia. Në kompozimin e grupit unë nuk jam fare kundër të rinjve, por jam i bindur që kompozimi me ministra me kilometrazh zero nuk ka treguar respekt për të rinjtë,por ka treguar alergji për të vjetërit. Një kabinet qeveritar i një force të madhe që ka qenë në gjysmën e kësaj dekade në qeverisje ka edhe eksperienca të akumuluara që asnjëherë nuk po sakrifikohen dhe nuk po vihen në funksion të realizimit  të programit”, thotë ai. a.n.