Ruçi: Gënjeshtrat e Berishës për tri projektligjet

Në një replikë ndaj Berishës në Kuvend, Gramoz Ruçi, Kryetari i grupit parlamentar të PS-së, deklaroi se Berisha gënjen deputetët, popullin dhe ndërkombëtarët, kur thotë se tri projektligjet që kërkojnë 3/5 e votave janë gati në tryezat e deputetëve. Sipas Ruçit, projektligji për Gjykatën e Lartë është aprovuar në Komisionin e Ligjeve vetëm me votat e mazhorancës, pa marrë parasysh amendimet e propozuara nga opozita. Ndërsa projektligji për administratën civile i është kthyer qeverisë nga vetë deputetët e mazhorancës në Komisionin e Ligjeve dhe ende nuk ka ardhur në Kuvend me ndryshimet e kërkuara.

Në lidhje me rregulloren e Kuvendit, Ruçi tha se opozita është gati ta votojë, por me kusht që të pranohet amendimi i sugjeruar nga ekspertët ndërkombëtarë për dhënie 20 minuta kohë për replikë udhëheqësit të opozitës në Kuvend, në rastet e dikutimit të ligjeve që kërkojnë 3/5 e votave, dhe 10 minuta kur diskutohen ligje të zakonshme.

Re.Pu.