Rishfaqet me video Armata Kombëtare Shqiptare. A thua ka krah politik?

Pas komunikatës për media të Armatës Kombëtare Shqiptare, Kohavisioni në Prishtinë ka siguruar edhe pamje filmike të një takimi të pjesëtarëve të saj diku në Kosovë. Situata e krijuar në Luginë të Preshevës dhe në pjesën veriore të Kosovës janë pikat të cilat diskutohen nga njerëz që e quajnë veten eprorë të AKSH-së. Me një vendim të prerë AKSH-ja kërkon mobilizim të të gjithë pjesëtarëve që të jenë të gatshëm të mbrojnë trojet shqiptare.  Ata deklarohen se kanë armatimin më modern të kohëve të fundit dhe e prezantojnë më shumë nëpërmjet fotografive, njofton Koha Ditore.
Në faksimilen e siguruar nga KTV figurojnë “Komandant Koçaku” dhe “Komandant Klina”, ku kërkohet mobilizimi i pjesëtarëve të AKSH-së. Deri më sot, AKSh ishte quajtur edhe “ushtri virtuale”, sepse ekzistenca e saj ishin vetëm disa deklarata pompoze. Njësitë ushtarake (pavarësisht se vetë-quhen armatë) kanë nevojë për një krah politik që i mbështet, që të mund ët funksionojnë. Deri më sot, askush nuk i ka dalë  politikisht për zot kësaj lëvizjeje, dhe aq të rehatuar në pushtet saç duken aktorët politikë në trevat shqiptare, vështirë të dëgjojmë së afërmi për një krah politik të AKSh. K.C.