Rezoluta e Kuvendit të Kosovës rezultoi të ish punë axhaminjsh

Kosova nuk ka një prefiks të vetin telefonik. Unioni Ndërkombëtar i Telekomunikacionit, një agjenci e varur nga OKB- ja, nuk ia njeh të drejtën e përdorimit të prefiksit Kosovës, e cila nuk është ende një vend anëtar në këtë organizatë.
Prandaj, në vend të një prefiksi kosovar, përdoret sipas rastit prefiksi sloven, serb apo ai i Monte Karlos. Parlamenti i Kosovës, në një moment patetik të vetin, miratoi një rezolutë, me anën e së cilës synoi ta shtrëngojë qeverinë e Thaçit që të adoptojë prefiksin 00355, që përdoret në Republikën e Shqipërisë. Ideja u duk ndjellëse, dhe e arsyeshme, por me t’u infomuar lidhur me këtë nismë, dolën në dritë probleme e pengesa të natyrës teknike e politike. Kuvendi i Kosovës, po të ish informuar paraprakisht se si qëndrojnë gjërat në këtë drejtim, mund t’ia kish kursyer vetes këtë ‘punë axhaminjsh’. Sekretari i Përgjithshëm i Unionit Ndërkombëtar të Telekomunikacionit, Hamadoun Toure, që ish sot në Tiranë në një veprimtari të organizuar nga qeveria, mbeti pak i topitur nga ideja, në një momentin që u pyet (u duk sikur po e dëgjonte aty për herë të parë), dhe la të kuptohet se është një nismë e pastudjuar.
Përveç kësaj, krahas entusiazmit patriotik që mbolli nisma e parlamentit në Kosovë, pati dhe zëra që e kritikuan në emër të një qasjeje sovrane. Astrit Gashi mbronte tezën se Kosovës i duhet një prefiks i veti, e jo një prefiks i një shteti tjetër, qoftë ky shtet dhe Shqipëria.
Re.Pu.