Rama reagon për ligjet e kthyera nga Presidenti: "Keqardhje, por është e kotë, ligjet do kalojnë përsëri"

Kryeministri Edi Rama ka reaguar sot pas vendimit të Presidentit të Republikës për të kthyer për rishqyrtim në Kuvend tre ligje të miratuara në fund të këtij sesioni parlamentar. Reagimin e tij kryeministri Rama e ka bërë në rrjetet sociale.

“Presidenti kthen mbrapsht Ligjin për Policinë dhe rreshton pseudoargumentat e PD-së për një ligj të punuar me partnerët ndërkombëtare. Keqardhje. Por, është e kotë. Reformasndalet. Kuvendi do ta kalojë përsëri Ligjin e Policisë pa asnjë ndryshim, pseudoargumentat e PD-së s’vlejnë. VajmedetPD”, shkruan kryeministri Rama.

Presidenti i Republikës ktheu sot tre projektligje të miratuar nga Kuvendi i Shqipërisë. Ligjet e kthyera janë ai për funksionimin e gjykatave, për KLD-në dhe Policinë e Shtetit. Presidenti ka konstatuar shkelje kushtetuese, ose tjetërsim kompetencash pa sqaruar mirë kuadrin juridik mbështetës, siç është rasti për Byronë Kombëtare të Hetimit. S.S