Rama krahason prapë 23 qershorin 2013 me 22 marsin 1992... në Bruksel!

Siç e dhe pritej, Edi Rama ka folur si Kryeministër sot në seancën e organizuar për Shqipërinë, dhe, përsëri e krahasoi votimin e 23 qershorit me vitin atë të 22 marsit 1992 (këtë radhë nuk iku njeri nga salla).

 “Besoj se populli shqiptar ka votuar për ne si rezultat jo vetëm i zëvendësimit të një kryeministri me tjetrin, por ishte një nevojë për të ndryshuar vendin. Dhe ky është rezultati që na bën të përulur në një mënyrë që na bën të gjithëve shumë të ndërgjegjshëm për faktin se jemi në një pozitë të tillë, se jemi këta që jemi për ata çka nevojë dhe mendon populli se duhet të jemi ne për të. Është përgjegjësi e madhe dhe ne jemi të gatshëm për të punuar dhe për të përmbushur atë që populli shqiptar ka kërkuar më 23 qershor. Në vitin 1992, shqiptarët votuan për një ndryshim të madh, më 23 qershor ishte kërkesa e dytë për ndryshim që garantoi rotacion paqësor dhe tregoi një mesazh të qartë se është demokracia që nevojitet ne jetën e secilit,” tha ndër të tjera Rama.

Ai foli edhe sesi do i jepet opozitës ajo që nuk iu dha PS-së kur ishte në opozitë.

 “Politika jonë ka vuajtur shumë pas rënies së komunizmit nga përpjekja për të luftuar njëri-tjetrin dhe jo për idetë. Prova e parë e programit tonë qeverisës nuk do jetë thjesht një fillim euforik, por një instrument për të vijuar në parlament për t’i dhënë opozitës çdo gjë që ne nuk e morëm si opozitë,” tha Rama.

k.c.