Rama: Gjirokastra vlerë e qytetërimit evropian, do ta rilindim
Kryeministri, Edi Rama së bashku me Presidentin e Fondit Shqiptaro - Amerikan të Zhvillimit, Michael Granoff dhe ministrat Veliaj e Kumabro, kanë vizituar qytetin e Gjirokastrës. Ata janë ndalur në disa nga monumentet e kulturës në këtë qytet.
“Nëse ne e ndryshojmë paksa këtë panoramë që na rrethon, nëse universiteti i Gjirokastrës do të fokusoj tek turizmi, zhvillimi ekonomik, zonat turistike, atëherë ky do të shihej edhe si qyteti i studentëve”, tha Rama.
Më pas ata vizituan shtëpinë e Babametove, të Zekatëve, të Skëndulajve, Kalanë e Gjirokastrës, etj. Në shenjë simbolike, Kryeminsitri Rama i dhuroi presidentit Granoff librin “Kronikë në gurë”, të Ismail Kadaresë.
Në përfundim të vizitës, Rama paralajmëroi ndërhyrjen së shpejti në 29 rrugët e qytetit dhe më pas lidhjen e qytetit me anë të një rruge të re, me parkun e liqenit të Viroit.
“Ne jemi zotuar se do ta rilindim këtë qytet, që është një vlerë e madhe, jo vetëm e gjirokastritëve, as vetëm e shqiptarëve, por është një vlerë e madhe e qytetërimit evropian, është një qytet që i përket trashëgimisë kulturore botërore”, u shpreh kryeministri.
S.S
Comments
Vlerat qe Edvin Rama kerkon
<p>Vlerat qe Edvin Rama kerkon te ''rilind'' jane kultura dhe tradita gjirokastrite sebashku me arkitekturen Osmane te gershetuar me ate bizantine qe nuk ka te beje aspak me Evropen. Eshte mahnitur shume duke shikuar tavanin.</p>
Add new comment