Ra ky mort... e u pamë në TV. Liraku vdiq, partitë nisin luftë akuzash

Fakti që diku ka mort, dhe morti respektohet kryesisht me heshtje (siç kërkoi në Berat Topi Bamir një minutë heshtje në nderim të Lirak Bejkos), duket nuk vlen për qëllimet politike, që justifkojnë çdo mjet, sado makabër të jetë. Lumi i akuzave poltikie nisi, ndërsa dhimbja e familjes është në kulmin e vet.

“Neveri per fjalët e KM mbi vdekjen tragjike të Lirak Bejkos – viktimës së pafajshme të arrogancës dhe indiferencës shtetërore. I lehtë dheu!” Ky ka qenë reagimi i kryesocialistit Edi Rama menjëherë pas deklaratës së PD lidhur me vdekjen e ish të përdjekurit politik Bejko. Kjo deklaratë erdhi pas akuzës së PD se vrasësi ishte Rama dhe kupola e PS, në një deklaratë ku akuzohej “...selektimi mbi bazën e kartelës shëndetësore të të ndjerit Lirak Bejko dhe dërgimit direkt te ai me shishet e ujit të shishes së benzinës, duke besuar se flakët që do digjnin trupin e tij do shëndrroheshin në vota për karrigen e Ramës”.

Arsyeja e këtyre akuzave ngjan të jetë gjetja e “fajtorit”, por, fare mirë mund të jetë edhe shfokusimi i vëmendjes nga problematike që paraqet kjo vdekje dhe moslënia hapësirave për reagime sociale. K.C.

Për më shumë mbi këtë temë:

http://respublica.al/artikuj/2012/11/03/e-pergojoi-para-se-te-jepte-shpirt-e-pergojon-edhe-pas-vdekjes

http://respublica.al/artikuj/2012/11/03/lirak-bejko-kush-e-vrau

http://respublica.al/artikuj/2012/11/02/lirak-bejko-sipas-kryeministrit-te-shqiperise